امت نیوز ڈیسک //
27 اکتوبر: دلباغ سنگھ کے اس ماہ کے آخر میں سبکدوش ہونے کے بعد، وزارت داخلہ، حکومت ہند نے جمعہ کو اس عہدے کا اضافی چارج موجودہ اسپیشل ڈی جی جموں کشمیر آر آر سوین (آئی پی ایس) کو سونپا ہے۔
وزارت داخلہ کے جاری کردہ حکمنامہ کے مطابق، سوائن، جو اس وقت خصوصی ڈی جی، سی آئی ڈی کے طور پر خدمات انجام دے رہے ہیں، کو یکم نومبر سے اس عہدے کا اضافی چارج لینے کے لیے کہا گیا ہے۔ حکمنامہ کے مطابق "مجاز اتھارٹی کی منظوری کے ساتھ، آر آر سوین، آئی پی ایس، جو اس وقت خصوصی ڈی جی، سی آئی ڈی، جموں وکشمیر کے طور پر تعینات ہیں، یکم نومبر 2023 سے اپنے موجودہ چارج کے علاوہ انچارج ڈائریکٹر جنرل آف پولیس کے طور پر بھی کام کریں گے“۔
