امت نیوز ڈیسک //
سری نگر:جموں و کشمیر کے لیفٹیننٹ گورنر منوج سنہا نے اتوار کے روز مخصوص افراد کے عالمی دن کے موقعے پر جسمانی طور پر مخصوص افراد کے لیے نیک خواہشات کا اظہار کیا۔ انہوں نے کہا کہ ‘میں 2030 کے ایجنڈے اور دیگر ترقیاتی فریم ورک کے اہداف کو حاصل کرنے کے لیے تمام شراکت داروں سے ایک جامع معاشرے کی تشکیل اور مخصوص لوگوں کو معاشی سرگرمیوں میں شامل کرنے کے لیے عوام پر مبنی اپروچ کی درخواست کرتا ہوں’۔
لیفٹیننٹ گورنر نے اتوار کی صبح سماجی رابطہ گاہ ‘ایکس’ پر ایک پوسٹ میں لکھا کہ ‘میں مخصوص افراد کے عالمی دن کے موقعے پر معذور لوگوں کے لیے نیک خواہشات کا اظہار کرتا ہوں’۔ انہوں نے مزید کہا کہ ‘میں 2030 کے ایجنڈے اور دیگر ترقیاتی فریم ورک کے اہداف کو حاصل کرنے کے لیے تمام شرکات داروں سے ایک جامع معاشرے کی تشکیل اور معذوروں کو معاشی سرگرمیوں میں شامل کرنے کے لیے عوام پر مبنی اپروچ کی درخواست کرتا ہوں’۔
اقوام متحدہ کی طرف سے جاری ایک رپورٹ کے مطابق دنیا کی کل آبادی کا 15 فیصد حصہ ایسے افراد پر مبنی ہے جو جسمانی طور پر کسی نہ کسی صورت میں معذور ہیں۔ اقوام متحدہ کے سال 2021 میں جاری ایک رپورٹ کے مطابق دنیا میں قریب 25 کروڑ بچے معذوری کے شکار ہیں۔ قابل ذکر ہے کہ دیویانگ جنو کی اختیار کاری کا محکمہ ہر سال سماجی انصاف اور تفویض اختیارات کی وزارت کے تحت معذور افراد کے بین الاقوامی دن یعنی 3 دسمبر پر دیویانگ جنو کی اختیار کاری کے لیے افراد، اداروں، تنظیموں، وغیرہ کو ان کی شاندار حصولیابیوں اور اس سلسلے میں انجام دیے گئے کاموں کے لیے قومی ایوارڈس تفویض کرتا ہے۔
(یو این آئی)
