امت نیوز ڈیسک //
سرینگر: محکمہ سیاحت نے سرینگر کے قلب و تجارتی مرکز لالچوک میں نئے سال کی آمد پر ایک موسیقی کی تقریب منعقد کی، جس کا لطف سیکڑوں شہریوں سمیت سیاح لیں رہے ہیں۔
محکمہ سیاحت و ضلع انتظامیہ نے لالچوک کو مصنوعی لائٹنگ سے رنگین بنایا ہے۔ وہی مقامی موسیقی کاروں نے مختلف گانے گا کر حاضرین کو محظوظ کردیا۔ نئے سال کی اس تقریب کے لئے پولیس و سی آر پی ایف اہلکار بھی تعینات کئے گئے تھے، تاکہ کوئی ناخوشگوار واقع پیش نہ آئے۔
یاد رہے کہ ماضی میں لالچوک میں اس نوعیت کی تقاریب کا انعقاد نہیں کیا جاتا تھا، تاہم امسال جب لالچوک کو اسماٹ سٹی کے تحت تجدید نو کرکے اس کی رونق دوبالہ کر دی۔ انتظامیہ کی مختلف تقاریب لالچوک میں منعقد کی جارہی ہے۔ لالچوک سیاحوں کے لیے بھی جازب نظر بند گیا ہے۔
اس تقریب میں شرکت کرنے والے ایک شہری نے بتایا کہ لالچوک میں نئے سال کی آمد کی تقریب کا انعقاد نہیں کیا جاتا ہے، تاہم ایل جی انتظامیہ نے یہ تقریب منعقد کرکے اس بات کا ثبوت دیا کہ لالچوک میں صورتحال بہتر ہوئی ہے اور اسماٹ سٹی کے تجدید نو سے شہر کی رونق بھی بڑھ گئی ہے۔
ایک شہری نے بتایا کہ لالچوک میں شام گئے ہی سناٹا ہوتا تھا، لیکن آج خوشی کی بات ہے کہ نئے سال پر لوگ جمع ہوئے ہیں اور موسیقی سے لطف اندوز ہورہے ہیں۔ ان کا کہنا ہے کہ انتظامیہ کی جانب سے اس نوعیت کی تقریب کا اہتمام کرنا خوش آئیند بات ہے اور لالچوک کے حالات کی عکاسی کر رہا ہے۔
