امت نیوز ڈیسک //
جموں: جموں و کشمیر میں جاری سردیوں کے پیش نظر جموں کے گرمائی زون کے اسکولوں میں سرمائی تعطیلات میں مزید توسیع کی گئی ہے۔حکام کے مطابق تعطیلات کی توسیع سے متعلق حکمنامے کی خلاف ورزی کرنے والوں کے خلاف تحت قانون کارروائی عمل میں لائی جائے گی۔
ڈائریکٹوریٹ آف سکول ایجوکیشن جموں کی طرف سے جاری حکمنامے میں کہا گیا ہے ‘ جموں کے گرمائی زون میں آنے والے سکولوں کے لئے دفتر کے آرڈر نمبر 1354 – DSEJ آف 2023 مورخہ 18 /12 /2023 کے تحت اعلان شدہ سرمائی تعطیلات میں نا سازگار موسمی صورتحال کے پیش نظر 6 جنوری 2024 تک مزید توسیع کی جا رہی ہے’۔جموں کے گرمائی زون میں اسکولوں کی سرمائی تعطیلات میں مزید توسیعانہوں نے کہا کہ اسکولوں کے سربراہوں کی طرف سے اس سلسلے میں کی جانے والی کسی بھی کوتاہی کے خلاف تحت قانون کارروائی کی جائے گی۔
واضح رہے کہ اس سے قبل ڈائریکٹوریٹ نے صوبہ کے گرمائی زون کے تمام سرکاری و غیر سرکاری اسکولوں کو 26 دسمبر سے 4 جنوری 2024 تک سرمائی تعطیلات کا اعلان کیا تھا۔اس حوالے سے محکمہ نے ایک آڈر 18 دسمبر کو نکالا تھا۔بتادیں کہ اس سے پہلے محکمہ اسکول ایجوکیشن کشمیر نے صوبے کشمیر صوبے کے سرمائی زون کے لیے مرحلہ وار طریقے پر سرمائی تعطیلات کا اعلان کیا تھا۔ حکم نامے کے مطابق پہلی سے 8 ویں جماعت تک کے طلبہ کے لئے سرمائی تعطیلات 28 نومبر سے 29 فروری 2024 تک ہوگئی، جبکہ سیکنڈری سطح کے طلبہ کے لیے سرمائی چھٹیاں 11دسمبر سے 29 فروری 2024 ہوگی۔
