امت نیوز ڈیسک //
جموں: سابق وزیر اور کانگریس کے امیدوار چودھری لال سنگھ نے بدھ کو کٹھوعہ کے ضلع ڈپٹی کمشنر کے دفتر میں اپنا پرچہ نامزدگی داخل کیا۔
فی الحال ادھم پور-ڈوڈا سیٹ کے لیے 8 امیدواروں نے اپنا پرچہ نامزدگی داخل کیا ہے۔ ابتدائی مرحلے میں 19 اپریل کو 17 ریاستوں اور چار مرکز کے زیر انتظام علاقوں کی 102 لوک سبھا سیٹوں کے لیے انتخابات ہونے ہیں جن میں ادھم پور سیٹ بھی شامل ہے۔ کاغذات نامزدگی کی جانچ جمعرات کو ہوگی اور کاغذات نامزدگی واپس لینے کی آخری تاریخ 30 مارچ ہے۔
