امت نیوز ڈیسک //
سری نگر: نیشنل کانفرنس کے نائب صدر عمر عبداللہ نے ہفتہ کو کہا کہ یہ پارٹی ہائی کمان ہے جو فیصلہ کرے گی کہ میں کہاں سے لوک سبھا الیکشن لڑوں گا۔ انہوں نے کہا کہ ”پارٹی قیادت فیصلہ کرے گی کہ مجھے الیکشن لڑنے دیا جائے گا اور کہاں سے؟ انتخابات کے دوران افواہیں معمول کی بات ہے۔ یہ پارٹی فیصلہ کرے گی کہ میں الیکشن لڑوں گا یا نہیں اور کس پارلیمانی حلقے سے؟۔“
کے این ایس کے مطابق عمر نے نوائے صبح سری نگر میں نامہ نگاروں کو بتایا۔ انہوں نے کہا کہ یہ میری ذاتی نہیں پارٹی ہے جس نے میرے مینڈیٹ پر کال لینا ہے۔ انہوں نے کہا کہ میں معاملہ پارٹی پر چھوڑ دوں گا۔ امیدواروں کی فہرست پر سابق وزیر اعلیٰ نے جواب دیا کہ پارٹی مناسب وقت پر فہرست شیئر کرے گی۔ "امیدواروں کی فہرست کا اعلان کرنا ہمارے مزاج پر منحصر ہے۔ عمر نے مزید کہا کہ امید ہے کہ فہرست کا اعلان نوٹیفکیشن کے بعد کیا جائے گا، یا اس وقت عام کیا جائے گا جب کاغذات نامزدگی داخل کرنے کی آخری تاریخ ہوگی۔ اس لیے جلدی میں نہ جائیں“۔
انہوں نے کہا کہ انڈیا الائنس یکم اپریل کو رام لیلا میدان نئی دہلی میں ایک کنونشن منعقد کرنے جا رہی ہے جس میں این سی کے صدر ڈاکٹر فاروق عبداللہ شرکت کریں گے۔
