امت نیوز ڈیسک //
سری نگر، 16 اپریل: آنسوؤں اور سسکیوں کے درمیان، ہزاروں لوگوں نے پانچ افراد کی نماز جنازہ ادا کی، جو منگل کی صبح سری نگر کے گنڈبل علاقے میں ایک کشتی الٹنے سے ڈوب کر ہلاک ہو گئے تھے۔ نماز جنازہ میں ایک خاتون، اس کے دو بیٹے اور دو دیگر مقامی افراد سمیت پانچ جاں بحق افراد کی مشترکہ طور پر نماز جنازہ ادا کی گئی۔
نیوز ایجنسی- کشمیر نیوز آبزرور (کے این او) کے مطابق نماز جنازہ علاقے کے ایک میدان میں ادا کی گئی جس میں ہزاروں کی تعداد میں نم آنکھوں والے افراد نے شرکت کی۔ واقعہ کے بعد پورے بٹوارہ علاقے میں کہرام مچ گیا۔ مقامی لوگوں کا الزام ہے کہ یہ واقعہ محلے میں پل نہ ہونے کی وجہ سے پیش آیا۔ مقامی لوگوں نے کہا کہ "ہم سے وعدہ کیا گیا تھا لیکن بدقسمتی سے کسی نے بھی محلے میں ایک پل کو یقینی بنانے کی زحمت گوارا نہیں کی۔ آج کا المیہ پل نہ ہونے کی وجہ سے ہے،” ۔
مقامی لوگوں نے بتایا دریں اثنا، سول انتظامیہ کے ساتھ ساتھ جموں و کشمیر پولیس کے کئی اعلیٰ حکام نے صورتحال کا جائزہ لینے کے لیے جائے وقوعہ کا دورہ کیا۔ ریسکیو آپریشن ابھی بھی جاری ہے کیونکہ متعدد افراد – جو کہ واقعہ کے وقت کشتی پر سوار تھے – مبینہ طور پر لاپتہ ہیں۔( کے این او)
