امت نیوز ڈیسک //
کولگام، 08 مئی : جنوبی کشمیر کے کولگام میں مارے گئے تیسرے ملی ٹینٹ کی شناخت سری نگر کے رہائشی کے طور پر کی گئی ہے۔
سری نگر کی خبر رساں ایجنسی کشمیر اسکرول کو ایک اعلیٰ اہلکار نے بتایا کہ جنوبی کشمیر کے کولگام ضلع کے ریڈونی علاقے میں مارے گئے تیسرے ملی ٹینٹ کی شناخت مومن گلزار کے طور پر کی گئی ہے جو گرمائی دارالحکومت سری نگر کا رہنے والا ہے۔
منگل کو مسلح تصادم میں مارے گئے ملی ٹینٹوں میں سرکردہ عسکریت پسند کمانڈر باسط ڈار بھی شامل تھا۔
قابل ذکر بات یہ ہے کہ پیر کی شام کو ملی ٹینٹوں کی موجودگی کی اطلاع کے بعد فورسز کی ایک مشترکہ ٹیم نے ریڈونی علاقے میں محاصرے اور تلاشی کی کارروائی شروع کی۔ جیسے ہی فورسز کی مشترکہ ٹیم نے مشتبہ مقام پر داخل کیا، چھپے ہوئے ملی ٹینٹوں نے ٹیم پر فائرنگ کردی، جس پر جوابی کارروائی کی گئی، جس سے فائرنگ کا تبادلہ شروع ہوگیا۔ (کشمیر اسکرول)
