امت نیوز ڈیسک //
سری نگر، 05 جولائی :شمالی کشمیر کے بانڈی پورہ ضلع کے سمبل کے وانگی پورہ میں ایک تیز رفتار آئل ٹینکر دریائے جہلم میں جا گرا۔
ایک اہلکار نے نیوز ایجنسی کشمیر اسکرول کو بتایا کہ درمیانی رات سری نگر سے سمبل کی طرف جانے والا ایک نامعلوم آئل ٹینکر وانگی پورہ چیک پوسٹ کے قریب سڑک سے پھسل کر ڈرائیور سمیت دریائے جہلم میں جا گرا۔
انہوں نے کہا کہ ڈرائیور اور ٹینکر کو نکالنے کے لیے تلاشی کا آغاز کیا گیا اور لاش کو برآمد کرنے کے بعد طبی قانونی کارروائیوں کے لیے سی ایچ سی سنبل منتقل کر دیا گیا ہے۔ بعد میں اس کی شناخت جیتندر سنگھ ولد اندرجیت سنگھ ساکنہ بھڑکھ ضلع ریاسی کے طور پر ہوئی۔
دریں اثناء پولیس نے نوٹس لیتے ہوئے تفتیش شروع کر دی ہے۔(کشمیر اسکرول )
