امت نیوز ڈیسک //
سری نگر سے نیشنل کانفرنس کے رکن پارلیمنٹ آغا سید روح اللہ مہدی لوک سبھا میں ایک بل پیش کریں گے جس میں جموں و کشمیر میں شراب اور نشہ آور اشیاء کی مکمل پابندی کی مانگ کی گئی ہے۔
آغا روح اللہ نے ایکس پر ایک پوسٹ میں لکھا کہ ”میں شرب اور نشہ آور اشیاء کی مکمل پابندی اور ممانعت کو فروغ دینے کےلیے ایک پرائیویٹ ممبرز بل پیش کر رہا ہوں“۔
انہوں نے لکھا کہ مجھے امید ہے کہ اس بل کو اس سیشن یا اگلے سیشن پارلیمنٹ میں پیش کیا جائے گا.. ممبر پارلیمنٹ نے مزید لکھا کہ مجھے یہ قوی امید ہے اس بل کو پاس کرانے میں مجھے اپنے ساتھی ممبران پارلیمان کا ساتھ ملے گا۔
واضح رہے گزشتہ ماہ جھیل ڈل میں شکوارہ سواری کے دوران دو غیر مقامی سیاحوں کی شراب پینے کی ویڈیو وائرل ہونے پر وادی کی سیاسی و مذہبی جماعتوں نے شدید مذمت کرتے ہوئے شراب پر پابندی کا مطالبہ کیا تھا..آغا روح اللہ نے اسے غیر اخلاقی قرار دے کر ان افراد کے خلاف سخت کارروائی کا مطالبہ کیا تھا .. پولیس نے بعد ازاں دو افراد کو گرفتار کیا تھا۔
