امت نیوز ڈیسک //
بانڈی پورہ، 11 ستمبر: جموں و کشمیر پولیس نے شمالی کشمیر کے بانڈی پورہ ضلع میں ایک جنسی ریکٹ کا پردہ فاش کرنے کے بعد ایک خاتون سمیت تین افراد کو گرفتار کیا ہے۔
آپریشن کے دوران دو کمسن بچیوں کو بازیاب کرایا گیا۔ یہ چھاپہ ڈی او پولیس چوکی اجس نے ایک معتبر ذرائع سے ملنے والی اطلاع کی بنیاد پر سدرکوٹ بالا میں ایک گھر پر مارا تھا۔
حکام کے مطابق تفتیش میں یہ بات سامنے آئی ہے کہ صدر کوٹ بالا کا رہائشی کم سن لڑکیوں کی سمگلنگ اور استحصال میں ملوث تھا۔ ایف آئی آر نمبر 161/2024، U/S 3, 4, 5, 7 غیر اخلاقی اسمگلنگ ایکٹ کے تحت مقدمہ درج کیا گیا ہے۔ مزید تفتیش جاری ہے۔
