امت نیوز ڈیسک //
جموں خطہ کو مناسب نمائندگی دینے کا وعدہ کیا تھااور انہیں ڈپٹی وزیر اعلیٰ دیکر اپنا وعدہ پورا کیا کی بات کرتے ہوئے وزیر اعلیٰ عمر عبد اللہ نے کہا کہ کابینہ کی 3 آسامیاں اب بھی خالی ہیں جن کو جلد پر کی جائیں گی۔ انہوں نے مزید کہا کہ ڈپٹی چیف منسٹر کا عہدہ جموں کے لوگوں کو واضح پیغام ہے کہ وہ حکومت میں برابر کا حصہ رکھتے ہیں۔
سی این آئی کے مطابق ایس کے آئی سی سی میں وزیر اعلیٰ کے بطور حلف لینے کے بعد میڈیا نمائندوں سے بات کرتے ہوئے عمر عبد اللہ نے کہا کہ انہوں نے وعدہ کیا تھا کہ وہ جموں کے لوگوں کو یہ محسوس نہیں ہونے دیں گے کہ حکومت میں ان کی کوئی نمائندگی نہیں ہے اور آج کی تقریب حلف برداری میں انہوں نے اپنا وعدہ پورا کر دیا ہے۔انہوں نے کہا ”میں نے جموں سے نائب وزیر اعلیٰ کا انتخاب کرکے اپنا وعدہ پورا کیا۔
میں نے وعدہ کیا تھا کہ جموں کے لوگوں کو یہ محسوس نہیں ہونا چاہیے کہ وہ حکومت کا حصہ نہیں ہیں۔ جموں کے نائب وزیر اعلیٰ کا جموں کے لوگوں کو واضح پیغام ہے کہ ہم انہیں ساتھ لے کر چلیں گے۔ “ انہوں نے کہا کہ کابینہ کی تین اسامیاں ابھی بھی خالی ہیں جنہیں بھی جلد پر کر دیا جائے گا۔ خیال رہے کہ جموں خطے کی نمائندگی کرتے ہوئے ممبر اسمبلی نوشہرہ سریندر چودھری نے جموں و کشمیر یوٹی کے نائب وزیر اعلیٰ کے طور پر حلف لیا۔ ممبر اسمبلی مینڈھر جاوید رانا کو بھی وزیر کے طور پر حلف دلایا گیا جبکہ چھمب سے ایک آزاد ممبر اسمبلی کے طور پر، جنہوں نے این سی کو اپنی حمایت دی، ستیش شرما نے بھی عمر کی کابینہ میں وزیر کے طور پر حلف لیا۔(سی این آئی)
