امت نیوز ڈیسک //
سری نگر، 03 نومبر: سری نگر کے اتوار بازار میں ایک گرینیڈ دھماکے میں کم از کم دس شہری زخمی ہو گئے، حکام نے بتایا۔
ایک اہلکار نے نیوز ایجنسی – کشمیر نیوز آبزرور (کے این او) کو بتایا کہ مشتبہ نامعلوم افراد نے ٹی آر سی کراسنگ پر سیکورٹی فورسز کی گاڑی پر دستی بم پھینکا جو ہدف سے چوک کر سڑک پر پھٹ گیا جس سے دس شہری زخمی ہو گئے۔
ایس ایم ایچ ایس کے اسپتال کے حکام نے تصدیق کی ہے کہ دس زخمیوں کو وہاں لایا گیا ہے اور تمام کی حالت مستحکم ہے۔
آپ کو بتاتے چلیں کہ سنڈے مارکیٹ وادی کشمیر کا مشہور بازار مانا جاتا ہے جہاں لوگ بڑی تعداد میں خریداری کےلیے جاتے ہیں وہیں آج لوگ موسم سرما کی خریداری کے لیے بازار پہنچے تھے۔
دریں اثنا، پولیس نے علاقے کو گھیرے میں لے لیا ہے اور حملہ آوروں کو پکڑنے کے لیے بڑے پیمانے پر تلاش شروع کر دی ہے۔
