بانڈی پورہ جھڑپ اختتام،ایک ازجان، ایم فور رائفل برآمد

امت نیوز ڈیسک //
بانڈی پورہ، 06 نومبر : بانڈی پورہ ضلع کے کیٹسن علاقے میں بدھ کو ایک ملی ٹینٹ کے مارے جانے اور فائرنگ کے مقام سے ایم 4 رائفل کی برآمدگی کے ساتھ انکاؤنٹر اختتام پذیر ہوا۔

ایک اہلکار نے نیوز ایجنسی – کشمیر نیوز آبزرور کو بتایا کہ کل شام اس علاقے میں تصادم ہوا جس کے دوران دو سیکورٹی اہلکار زخمی بھی ہوئے۔

انہوں نے کہا کہ اس کے بعد ہونے والے تصادم میں ایک ملی ٹینٹ بھی مارا گیا، جبکہ مارے گئے ملی ٹینٹ سے ایک ایم 4 رائفل بھی برآمد ہوئی ہے۔

انہوں نے کہا کہ "آپریشن ختم ہو گیا ہے، جبکہ ملی ٹینٹ کی شناخت کی جا رہی ہے،”