امت نیوز ڈیسک //
جموں، 11 نومبر:ایک المناک واقعہ میں کشتواڑ کے دراب شالہ علاقہ میں آدھی رات کو آگ لگنے سے ایک ماں اور اس کے دو بچے ازجان ہوگئے۔
عہدیداروں نے جی این ایس کو بتایا کہ بدھات کے جاشر بستی میں خورشید احمد کے گھر میں دیر رات آگ لگ گئی۔ جب ایک کمرے سے آگ بھڑک اٹھی تو ماں اور اس کے دو بچے سو رہے تھے اور شدید شعلوں کی وجہ سے وہ گھر سے باہر نکلنے میں ناکام رہے۔ اس واقعہ میں ماں اور اس کے بچے دونوں اس تباہ کن آگ میں ازجان ہو گئے۔
پولیس، فائر ٹینڈرز اور مقامی لوگوں نے متاثرین کو بچانے کی پوری کوشش کی۔ مرنے والوں کی شناخت نازیہ بیگم (ماں)، آمنہ بانو (7) اور رضوان (4) کے طور پر ہوئی ہے۔
اس دوران ایک پولیس افسر نے جی این ایس کو بتایا کہ آگ لگنے کی وجہ معلوم کی جا رہی ہے اور اس سلسلے میں ایک کیس درج کر لیا گیا ہے اور تحقیقات شروع کر دی گئی ہیں۔(جی این ایس )
