امت نیوز ڈیسک //
اجمیر: اجمیر پولیس اور اے ٹی ایس کی خصوصی ٹیم نے اجمیر ریلوے اسٹیشن سے ممبئی پولیس کو دھمکی آمیز پیغام بھیجنے والے شخص کو گرفتار کر لیا ہے۔ ملزم نے مہاراشٹر کے گونڈی پولیس اسٹیشن کے واٹس ایپ نمبر پر پیغام بھیجا اور لکھا کہ کمپنی کا منیجر پی ایم نریندر مودی کو مارنے اور جھارکھنڈ کے دھنباد میں ٹرین میں بم دھماکہ کرنے کی سازش کر رہا ہے۔ اس پیغام کے بعد سے ملزم مفرور تھا۔ ممبئی پولس سے ملی اطلاع کی بنیاد پر اے ٹی ایس اور اجمیر پولس کی خصوصی ٹیم نے اسے اجمیر میں گرفتار کیا ہے۔
اجمیر اے ٹی ایس کے انچارج نریندر پرتاپ سنگھ نے بتایا کہ محمد مرزا بیگ نے مہاراشٹر کے گونڈی پولیس اسٹیشن کے واٹس ایپ نمبر پر میسج کیا تھا کہ کمپنی کا منیجر اسلحے کی فیکٹری چلاتا ہے اور وہ ٹرین میں دھماکہ کرکے پی ایم نریندر مودی کو مارنے کا منصوبہ بنا رہا ہے۔ اس کے بعد ممبئی پولیس کو الرٹ کر دیا گیا اور جس نمبر سے ملزم نے میسج کیا تھا اس کی لوکیشن مسلسل ٹریس کی گئی۔
ممبئی پولیس کو اجمیر میں ملزم کے مقام کا پتہ چلا۔ ایسے میں ممبئی پولیس نے اجمیر پولیس کو اس کی اطلاع دی۔ اطلاع کی بنیاد پر ملزم محمد مرزا بیگ کو ریلوے اسٹیشن سے پکڑا گیا۔ انہوں نے بتایا کہ ملزم نے گزشتہ جمعرات کو ممبئی پولیس کو پیغام دیا تھا کہ گجرات کے پالن پور میں ایک کمپنی ہے جہاں ملزم کام کرتا ہے۔ منیجر سے لڑائی کے بعد ملزم نے مہاراشٹر کے گونڈی پولیس اسٹیشن کے واٹس ایپ نمبر پر دھمکی آمیز پیغام بھیجا۔
ممبئی پولیس کو ملزم کی گرفتاری کی اطلاع دے دی گئی ہے۔ ملزم سے پوچھ گچھ کی جا رہی ہے۔ یہ جاننے کی بھی کوشش کی جا رہی ہے کہ وہ اجمیر میں کہاں اور کس سے ملا۔ اس کے علاوہ مہاراشٹر کے گونڈی تھانے کو یہ پیغام دینے کے پیچھے ان کی نیت کیا تھی۔ مہاراشٹر پولس خود اس معاملے کی تحقیقات کر رہی ہے۔
