امت نیوز ڈیسک //
وادی کشمیر میں شدید ٹھنڈ کے بیچ جموں کے تمام پروگرام منسوخ کرکے وزیر اعلیٰ عمر عبد اللہ نے کہا کہ لوگوں کی راحت رسانی کیلئے وہ اگلے ایک ہفتے تک سرینگر میں ہی خیمہ زن رہیں گے ۔ سی این آئی کے مطابق وزیر اعلیٰ عمر عبداللہ نے کہا کہ انہوں نے شدید سردی اور اس کے نتیجے میں پیدا ہونے والی مشکلات کے پیش نظر اگلے ہفتے تک جموں میں ہونے والے اپنے تمام پروگرام منسوخ کر دیے ہیں۔ایکس پر ایک پوسٹ میںعمر عبداللہ نے نے لکھا کر کہا کہ وہ ذاتی طور پر بجلی اور دیگر اہم محکموں کے کام کاج کی نگرانی کریں گے۔انہوں نے لکھا ” وادی کشمیر میں شدید سردی اور اس کے نتیجے میں پانی اور بجلی کی سپلائی میں مشکلات کے پیش نظر میں نے فیصلہ کیا ہے کہ جموں میں اپنے آنے والے پروگراموں کو منسوخ کر دیا جائے تاکہ میں خود سرینگر میں بجلی کے محکمے کے کام کاج اور دیگر محکمو ں کی ذاتی طور پر نگرانی کر سکوں “ ۔ انہوں نے یہ بھی کہا کہ جموں میں اپنے پروگراموں کو منسوخ کرنے سے منتظمین کو کچھ تکلیف ہوگی اور انہیں اس پر افسوس ہے۔انہوں نے لکھا ” میں اس بات کا اعتراف کرتا ہوں کہ جموں میں میرے پروگراموں کو منسوخ کرنے سے منتظمین کو کچھ تکلیف ہوگی اور مجھے اس کا افسوس ہے۔ تاہم حالات میں یہ کرنا صحیح ہے اور میں ان لوگوں/تنظیموں تک پہنچاو¿ں گا جن کے پروگرام متاثر ہوئے ہیں۔ “ انہوں نے مزید کہا کہ وہ جیسلمیر سے واپسی پر ہیں اور کل صبح سرینگر واپس آئیں گے۔
