امت نیوز ڈیسک //
وزیر تعلیم سکینہ ایتو کی مداخلت کے بعد حکام نے گلوبل اسلامک اسکول کے 22 طلباءکیلئے امتحانی داخلہ پاس جاری کیں اور انہیں گورئمنٹ ہائر سیکنڈری سکول چنا چھانہ پور میں امتحانی مرکز بھی الاٹ کیا گیا۔ادھر وزیر تعلیم سکینہ ایتو کا کہنا ہے کہ طلباءکے مستقبل کو محفوظ بنانے کیلئے پُر عزم ہے اور کہا کہ ان کے مستقبل سے کھیلنے والوں کے خلاف سخت کارروائی کی جائے گی۔سی این آئی کے مطابق حکام نے اتوار کو سرینگر کے پادشاہی باغ علاقے میں گلوبل اسلامک اسکول میں زیر تعلیم 22 طلباءکو رول نمبر سلپس جاری کیں۔عہدیداروں نے بتایا کہ 22 طلباءکو رول نمبر سلپس دی گئی ہیں اور گورئمنٹ ہائر سیکنڈری اسکول چھانہ پور میں امتحانی مرکز الاٹ کیا گیا ہے۔اس سے قبل طلباءکو 17 فروری سے شروع ہونے والے امتحانات میں شرکت کیلئے رول نمبر سلپس دینے سے انکار کر دیا گیا تھا۔ اس اقدام پر عوامی حلقوں کی جانب سے شدید تنقید کی گئی جنہوں نے طلباءکے مستقبل سے کھیلنے میں ملوث افراد کے خلاف سخت کارروائی کا مطالبہ کیا۔سنیچرورا کی شام وزیر تعلیم سکینہ ایتو طلباءکے حق میں آئیں اور ان کے مستقبل کو محفوظ بنانے کا یقین دلایا۔ انہوں نے یہ بھی کہا کہ ان کے مستقبل سے کھیلنے والوں کے خلاف سخت کارروائی کی جائے گی۔مائیکرو بلاگنگ سائٹ ایکس پر جاتے ہوئے انہوں نے ایک ویڈیو پوسٹ میں کہا ”میں پچھلے 3 دنوں سے اس معاملے کو قریب سے اور سنجیدگی سے دیکھ رہی ہوں، 10ویں جماعت کے 22 طلباءکا مستقبل محفوظ ہو گا۔ ان طلباءکے مستقبل سے کھیلنے والوں کے خلاف کارروائی کی جائے گی۔ اس بات کو یقینی بنائیں گے کہ ان طلباءکو امتحانات میں شرکت کی اجازت دی جائے“۔
