امت نیوز ڈیسک //
سری نگر: سیکورٹی فورسز نے جنوبی کشمیر کے ضلع شوپیاں کے زینہ پورہ اور ضلع پلوامہ کے ترال علاقوں میں دو مشتبہ اشیا کو بر آمد کیا جن میں سے شوپیاں میں بر آمدہ مشکوک شئی کو ناکارہ بنا دیا گیا۔
ذرائع نے بتایا کہ سیکورٹی فورسز نے منگل کی صبح شوپیاں کے زینہ پورہ علاقے میں ایک مشکوک شئی کو دیکھا۔انہوں نے کہا کہ اس کو ناکارہ بنانے کے لئے بم ناکارہ بنانے والی ایک ٹیم کو جائے موقع پر طلب کیا گیا جنہوں نے اس کو بغیر کوئی نقصان پہنچائے ناکارہ بنا دیا۔
دریں اثنا سیکورٹی فورسز نے پلوامہ کے ترال علاقے میں بھی منگل کی صبح ایک مشتبہ شئی کو دیکھا اور اس کو ناکارہ بنانے کے لئے بم ناکارہ بنانے والی ٹیم کو جائے موقع پر طلب کیا گیا۔انہوں نے کہا کہ سیکورٹی فورسز نے اس جگہ کو محاصرے میں لے لیا ہے اور اس شئی کو ناکارہ بنانے کے لئے کارروائیاں جاری ہیں۔
