امت نیوز ڈیسک //
سری نگر، 29 مارچ: ڈائریکٹر آف اسکول ایجوکیشن کشمیر (ڈی ایس ای کے) نے ہفتہ کو کشمیر ڈویژن کے اسکولوں کے اوقات میں تبدیلی کا حکم دیا ہے جس کا اطلاق یکم اپریل سے ہوگا۔
ڈی ایس ای کے نے ایک حکم میں کہا کہ سری نگر میونسپل حدود کے اندر تمام سرکاری اور نجی اسکولوں میں اسکول کا وقت صبح 9:00 بجے سے دوپہر 3:00 بجے تک ہوگا۔ اس میں یہ بھی کہا گیا ہے کہ سری نگر اور کشمیر صوبے کے دیگر علاقوں کی میونسپل حدود سے باہر تعلیمی اداروں کا وقت صبح 09:30 تا 3:30 بجے ہوگا۔
ڈیسک کے مطابق "حکم اور ہدایات پر تمام متعلقہ اداروں کی طرف سے سختی سے عمل کیا جائے گا۔ اس سلسلے میں کسی بھی انحراف کو سنجیدگی سے دیکھا جائے گا“۔
