امت نیوز ڈیسک //
کپواڑہ: شمالی کشمیر کے کپواڑہ ضلع کے کنڈی خاص علاقے میں گزشتہ دیر رات ایک 45 سالہ شخص کو نامعلوم بندوق برداروں نے اس کے گھر پر گولی مار کر زخمی کر دیا۔
ایک اعلیٰ پولیس اہلکار نے خبر رساں ایجنسی کو بتایا کہ زخمی کی شناخت کنڈی خاص کے رہنے والے رسول ماگرے کے نام سے ہوئی ہے۔ واقعہ کے بعد اسے فوری طور پر طبی علاج کے لیے جی ایم سی ہندواڑہ لے جایا گیا۔
پولیس نے واقعے کا نوٹس لیتے ہوئے فائرنگ کے اردگرد کے حالات جاننے کے لیے تحقیقات کا آغاز کر دیا ہے۔
