امت نیوز ڈیسک //
جموں :عمر عبداللہ نے جموں کشمیر اسمبلی میں پہلگام حملے کی سخت مذمت کرتے ہوئے ہلاک شدہ سیاحوں کے اہل خانہ کے ساتھ تعزیت کا اظہار کرتے ہوئے مقامی گھوڑے بان سید عادل حسین شاہ کی بہادری کی تعریف کی وہیں انہوں نے کہا کہ یہ وقت سیاست کرنے یا مرکزی حکومت سے ریاستی درجہ کی بحالی کے لئے زور دینے کا مناسب وقت نہیں نہیں۔
یاد رہے کہ جموں و کشمیر قانون ساز اسمبلی کے ایک روزہ خصوصی اجلاس میں پہلگام کے بائسرن چراگاہ میں 25 سیاحوں اور ایک مقامی گھوڑے بان سید عادل حسین شاہ کے قتل کی شدید مذمت کرتے ہوئے متفقہ طور پر قرارداد منظور کی گئی۔ عمر عبداللہ نے سیاد عادہ شاہ کی ستائش کرتے ہوئے کہا: ’’زندگی کا خوف سب کو ہوتا ہے، لیکن سید عادل نے اپنی جان کی پرواہ کیے بغیر سیاحوں کو بچایا۔ اب دیگر مقامی افراد کی کہانیاں بھی سامنے آ رہی ہیں جنہوں نے سیاحوں کی جانیں بچائیں، جو ہماری کشمیری مہمان نوازی کی مثال ہیں۔‘‘
وزیر اعلیٰ نے مزید کہا کہ یہ وقت سیاست کرنے یا حکومت ہند سے ریاستی درجہ مانگنے کا نہیں ہے۔ عمر نے کہا: ’’ایسے وقت میں اگر میں ریاستی درجہ مانگوں تو یہ میرے لیے بددعا ہوگی۔ ریاستی درجہ مانگنے کے اور بھی مواقع آئیں گے، لیکن یہ وقت صرف ملی ٹینسی کی مذمت اور متاثرہ خاندانوں سے ہمدردی کا ہے۔‘‘ عمر عبداللہ نے اسمبلی اراکین کو میزیں بجانے سے بھی منع کیا۔
