امت نیوز ڈیسک //
ضلعی انتظامیہ سری نگر نے 13 جولائی یعنی کل کسی بھی سیاسی جماعت کو مزار شہداء جانے کی اجازت نہیں دی جن جماعتوں نے ضلعی انتظامیہ سے اجازت طلب کی تھی ۔
اس کی جانکاری سرینگر پولیس نے ایکس پر ایک پوسٹ میں دی۔
پولیس نے کہا کہ ”13 جولائی 2025 (اتوار) کو خواجہ بازار، نوہٹہ کی طرف جانے کا ارادہ رکھنے والے تمام درخواست دہندگان کو اجازت دینے سے انکار کر دیا ہے۔“
پولیس نے عوام سے اپیل کی کہ وہ ان ہدایات پر سختی سے عمل کریں اور ضلعی انتظامیہ کے جاری کردہ احکامات کی خلاف ورزی سے گریز کریں۔
پولیس نے آخر پر پوسٹ میں لکھا کہ”ان احکامات کی کسی بھی خلاف ورزی پر قانون کی متعلقہ دفعات کے تحت سخت قانونی کارروائی کی جائے گی۔“
