امت نیوز ڈیسک//
کولگام، 30 جولائی: جنوبی کشمیر کے کولگام ضلع کے دیوسر علاقے میں بدھ کی دوپہر ایک افسوسناک واقعہ پیش آیا جب ایک 25 سالہ شخص ٹائر کی مرمت کے دوران ٹائرپھٹنے سے اپنی جان سے ہاتھ دھو بیٹھا۔
مقتول کی شناخت امتیاز احمد نجار ولد رسول نجار سکنہ بوزگام کے نام سے ہوئی ہے۔
حکام کے مطابق یہ افسوسناک واقعہ اس وقت پیش آیا جب امتیاز ٹائر کی مرمت کر رہا تھا کہ اس دوران اچانک وہ پھٹ گیا جس سے وہ شدید زخمی ہو گیا۔ اسے فوری طور پر پی ایچ سی دیوسر لے جایا گیا، جہاں ڈاکٹروں نے اسے مردہ قرار دیا۔
واقعے کے فوراً بعد پولیس موقع پر پہنچ گئی اور معاملے کا نوٹس لے لیا۔
