دراس میں گاڑی دریا میں گرنے سے تین افراد جاں بحق، دو زخمی

امت نیوز ڈیسک //
کرگل، 31 اگست : دراس کے گمری علاقے میں ایک گاڑی دریا میں گرنے کے نتیجے میں کم از کم تین افراد جاں بحق اور دو زخمی ہوگئے۔

حکام نے جی این ایس کو بتایا کہ ایک زیلو گاڑی گمری کے قریب قابو سے باہر ہو کر سڑک سے پھسل گئی اور دریا میں جا گری۔

اس حادثے میں تین افراد موقع پر ہی دم توڑ گئے جبکہ دو زخمی ہوئے۔ زخمیوں کو علاج کے لیے قریبی اسپتال منتقل کر دیا گیا۔

دریں اثنا پولیس نے واقعے کا نوٹس لیتے ہوئے کارروائی شروع کر دی ہے۔ (جی این ایس)