امت نیوز ڈیسک /
کپواڑہ، 01 ستمبر :شمالی کشمیر کے ضلع کپواڑہ کے جمہ ‘گنڈ علاقے میں پیر کی شام کلاؤڈ برسٹ نے تباہی مچائی، جس میں ایک کمسن زخمی ہوگیا اور متعدد مویشی ہلاک ہو گئے۔
ایک سرکاری اہلکار نے بتایا کہ 15 سالہ شاہد احمد رینہ، اس واقعے میں زخمی ہوا۔ اسے فوری طور پر قریبی اسپتال منتقل کیا گیا جہاں اس کی حالت مستحکم بتائی جا رہی ہے۔
دریں اثنا، مقامی اطلاعات کے مطابق کئی مویشی، جن میں ایک گھوڑا بھی شامل ہے، اس واقعے میں ہلاک ہوئے، جس سے متاثرہ خاندان مزید مشکلات کا شکار ہوگئے۔
انتظامیہ نے اس اچانک آفت سے ہونے والے نقصان کا جائزہ لینے کا عمل شروع کر دیا ہے۔
