امت نیوز ڈیسک //
اننت ناگ، 15 ستمبر: کھنڈرو میں فوجی باڑ کے قریب بارودی سرنگ دھماکے میں شدید زخمی ہونے والا کمسن لڑکا زخموں کی تاب نہ لاتے ہوئے دم توڑ بیٹھا۔
ایک اعلیٰ پولیس افسر نے بتایا کہ یہ لڑکا آج صبح بی بی کینٹ سرینگر آرمی اسپتال میں دورانِ علاج دم توڑ گیا۔ وہ اتوار کو اس وقت شدید زخمی ہوا تھا جب وہ کھنڈرو علاقے میں فوج کی باڑ کے اندر داخل ہوا اور بارودی سرنگ پھٹ گئی۔
ذرائع کے مطابق، شاہد احمد ولد محمد یوسف ساکن لولپارہ لارنو کل فوجی باڑ کو عبور کرتے ہوئے 21 ایف اے ڈی کھنڈرو کے قریب بارودی سرنگ دھماکے کی زد میں آگیا۔ اسے فوری طور پر جی ایم سی اننت ناگ میں داخل کرایا گیا جہاں سے اسے نازک حالت میں مزید علاج کے لیے 92 بیس اسپتال سرینگر منتقل کیا گیا، تاہم وہ جانبر نہ ہوسکا۔ (جی این ایس)
