سرنکوٹ میں دھماکہ، فوجی اہلکار ہلاک

امت نیوز ڈیسک //
پونچھ، 29 ستمبر: پیر کی شام جموں و کشمیر کے ضلع پونچھ کے سرنکوٹ علاقے میں 16 راشٹریہ رائفلز کے ہیڈکوارٹر میں گرینیڈ دھماکے کے نتیجے میں ایک فوجی اہلکار ہلاک ہوگیا۔

اہلکاروں کے مطابق دھماکہ شام تقریباً 7:45 بجے پیش آیا جس میں ایک فوجی کی جان چلی گئی۔ حکام نے مزید بتایا کہ فی الحال یہ واضح نہیں ہے کہ یہ واقعہ عسکریت پسندوں کے حملے کا نتیجہ ہے یا حادثاتی دھماکہ۔

“تحقیقات جاری ہیں۔ اس مرحلے پر واقعے کی نوعیت کے بارے میں کوئی حتمی رائے دینا قبل از وقت ہوگا۔”