امت نیوز ڈیسک //
سرینگر، 19 اکتوبر: ذرائع کے مطابق آغا محمود بڈگام سے نیشنل کانفرنس (این سی) کے ممکنہ امیدوار کے طور پر اُبھر رہے ہیں۔
ذرائع نے بتایا کہ گزشتہ روز شام 5 بجے ہونے والی میٹنگ میں بڈگام اسمبلی نشست کے لیے امیدوار کے انتخاب پر اختلافِ رائے سامنے آیا۔ عمر عبداللہ نے مبینہ طور پر سابق آپنی پارٹی رہنما منتظر محیالدین کا نام تجویز کیا، جبکہ ڈاکٹر فاروق عبداللہ نے بڈگام سے ایک شیعہ امیدوار کو میدان میں اتارنے پر زور دیا۔
ذرائع کے مطابق اسی اختلاف کی وجہ سے عمر عبداللہ میٹنگ سے واک آؤٹ کر گئے۔ قابلِ ذکر ہے کہ منتظر محیالدین نے 2024 کے اسمبلی انتخابات میں عمر عبداللہ کی حمایت کی تھی۔
ذرائع نے مزید بتایا کہ امیدوار کے حتمی انتخاب سے متعلق مزید پیش رفت جلد متوقع ہے۔
