امت نیوز ڈیسک //
ہندوارہ، 29 اکتوبر : شمالی کشمیر کے ہندوارہ علاقے کے توتی گند گاؤں میں ایک دھماکے کے نتیجے میں چار لڑکے زخمی ہوگئے۔ اطلاعات کے مطابق یہ دھماکہ اس وقت پیش آیا جب بچوں کا ایک گروپ ایک کھلے میدان میں کرکٹ کھیل رہا تھا۔
زخمی لڑکوں کی شناخت عزیر طاہر ولد طاہر احمد بھٹ، ساجد رشید ولد عبدالرشید صوفی، حازم شبیر ولد شبیر احمد بیگ، اور زیان طاہر ولد طاہر احمد بھٹ — تمام ساکن توتی گند کولنگام — کے طور پر ہوئی ہے۔
تمام زخمیوں کو طبی امداد کے لیے جی ایم سی ہندوارہ منتقل کیا گیا، جہاں ان کی حالت مستحکم بتائی جا رہی ہے۔
پولیس نے علاقے کو گھیرے میں لے کر دھماکے کی نوعیت اور ماخذ کا پتہ لگانے کے لیے تحقیقات شروع کر دی ہیں۔[کے این ٹی]
