امت نیوز ڈیسک //
سکیورٹی فورسز نے راجوری کے راجپورہ کے جنگلاتی علاقے میں محاصرے اور تلاشی کے دوران اسلحہ اور گولہ بارود برآمد کیا ہے۔
اطلاعات کے مطابق یہ مشترکہ کارروائی سی آر پی ایف کی 92ویں بٹالین اور ایس او جی نے انجام دی۔ تلاشی کے دوران جنگل میں ایک مشتبہ مقام کی نشاندہی کی گئی، جہاں سے گولہ بارود اور ایک دھماکہ خیز آلہ برآمد ہوا۔
حکام کے مطابق برآمد شدہ سامان میں انساز رائفل کے 90 راؤنڈ، اے کے 47 کے 90 راؤنڈ اور ایک چینی ساختہ ہینڈ گرنیڈ شامل ہے۔
برآمد شدہ مواد کو مزید تفتیش کے لیے تحویل میں لے لیا گیا ہے۔
