امت نیوز ڈیسک //
سرینگر، 17 فروری : حکومت نے منگل کو ایوان کو آگاہ کیا کہ جموں و کشمیر میں مجموعی طور پر 17.27 لاکھ کنال سے زائد سرکاری اراضی پر ناجائز قبضہ پایا گیا ہے، جن میں سے اب تک 14.29 لاکھ کنال سے زائد اراضی واگزار کرائی جا چکی ہے۔
ایم ایل اے شام لال شرما کے سوال کے جواب میں محکمہ مال نے ایوان کو بتایا، جیسا کہ خبر رساں ایجنسی کشمیر نیوز آبزرور (کے این او) نے رپورٹ کیا، کہ کشمیر ڈویژن میں 3,27,198.50 کنال سرکاری اراضی پر قبضہ پایا گیا، جس میں سے 2,16,912.98 کنال اراضی واگزار کی جا چکی ہے۔
اسی طرح جموں ڈویژن میں 14,00,049.66 کنال اراضی پر قبضہ پایا گیا، جبکہ 12,12,287.44 کنال اراضی بازیاب کی گئی ہے۔
اعداد و شمار کے مطابق جموں و کشمیر بھر میں مجموعی طور پر 17,27,248.16 کنال سرکاری اراضی پر قبضہ سامنے آیا، جس میں سے 14,29,200.42 کنال اراضی اب تک واگزار کرائی جا چکی ہے۔—(کے این او)
