امت نیوز ڈیسک //
ملی ٹنسی فنڈنگ کیس میں سپریم کورٹ آف انڈیا نے کشمیری علیحدگی پسند رہنما شبیر احمد شاہ کو یواے پی اے کے تحت درج مقدمے میں ضمانت منظور کر لی ہے۔
جسٹس وکرم ناتھ اور جسٹس سندیپ مہتا کی بنچ نے یہ فیصلہ سنایا، جہاں شاہ پر الزام ہے کہ انہوں نے جموں و کشمیر کو بھارت سے الگ کرنے کی سازش کی۔
یہ کیس این آئی اے کی جانب سے چلایا جا رہا ہے، اور شاہ کئی سال سے جیل میں تھے۔
سپریم کورٹ نے این آئی اے کی جانب سے 1990 کی دہائی کی تقریروں کا حوالہ دینے پر سوالات اٹھائے تھے اور طویل حراست، تاخیر سے ٹرائل اور ثبوتوں کی نوعیت کو مدنظر رکھتے ہوئے ضمانت دی ہے۔ یہ فیصلہ کشمیر کے سیاسی منظرنامے میں اہم پیش رفت سمجھا جا رہا ہے۔
