امت نیوز ڈیسک //
سرینگر، 3 مئی: پیپلز ڈیموکریٹک پارٹی (پی ڈی پی) کی صدر اور سابق وزیر اعلیٰ جموں و کشمیر محبوبہ مفتی نے پارٹی کو مضبوط بنانے کے لیے سینئر رہنماؤں پر مشتمل ایک اہم کمیٹی تشکیل دی ہے۔
پارٹی کے ایک سینئر رہنما کے مطابق اس کمیٹی کی سربراہی سابق رکن پارلیمنٹ ڈاکٹر محبوب بیگ کریں گے۔ کمیٹی میں ایڈوکیٹ عبد الحق خان، پیرزادہ منصور، یاسر ریشی اور وحید پرہ بھی شامل ہیں۔
رہنما نے مزید بتایا کہ آنے والے دنوں میں کئی نئے افراد پارٹی میں شامل ہونے کے خواہشمند ہیں، جس سے پی ڈی پی کو مزید تقویت ملے گی۔
انہوں نے کہا کہ پی ڈی پی ہمیشہ عوامی امنگوں کی ترجمانی کرتی رہی ہے اور نچلی سطح پر تنظیم کو مضبوط بنانا عوامی مسائل کے مؤثر حل اور بہتر نمائندگی کے لیے نہایت ضروری ہے۔
