امت نیوز ڈیسک //
نئی دہلی: بھارتی فوج کے سربراہ جنرل اوپیندر دویدی نے پاکستان کو سخت پیغام دیتے ہوئے کہا ہے کہ اگر پاکستان دہشت گردوں کو پناہ دیتا رہا اور بھارت کے خلاف کارروائیاں جاری رکھیں، تو اسے فیصلہ کرنا ہوگا کہ وہ “جغرافیے کا حصہ رہنا چاہتا ہے یا تاریخ کا”۔
منیک شا سینٹر نئی دہلی میں منعقدہ ایک تقریب “سینا سمواد” سے خطاب کے دوران جنرل دویدی سے سوال کیا گیا کہ اگر دوبارہ ایسے حالات پیدا ہوئے جیسے گزشتہ سال “آپریشن سندور” کے دوران تھے، تو بھارتی فوج کا ردعمل کیا ہوگا۔ اس پر انہوں نے کہا کہ پاکستان کو اپنی پالیسی پر فیصلہ کرنا ہوگا۔
جنرل دویدی نے جدید جنگی حکمت عملی پر بات کرتے ہوئے کہا کہ مستقبل کی جنگ صرف زمین، سمندر اور فضاء تک محدود نہیں رہے گی بلکہ سائبر، خلائی اور ذہنی محاذ بھی اہم کردار ادا کریں گے۔ انہوں نے کہا کہ مصنوعی ذہانت اور جدید ٹیکنالوجی آنے والے وقت میں جنگی نظام کا اہم حصہ بنیں گے۔
