امت نیوز ڈیسک //
بڈگام، 21 مئی: وسطی کشمیر کے ضلع بڈگام کے ویگر علاقے میں جمعرات کو پیش آئے ایک افسوسناک حادثے میں کرنٹ لگنے سے ایک شخص جاں بحق جبکہ دوسرا زخمی ہوگیا۔
اطلاعات کے مطابق دونوں افراد کو لو ٹینشن بجلی کا کرنٹ لگا، جس کے بعد انہیں فوری طور پر ضلع اسپتال بڈگام منتقل کیا گیا۔ تاہم ڈاکٹروں نے ایک شخص کو اسپتال پہنچنے پر مردہ قرار دیا۔
جاں بحق شخص کی شناخت امتیاز احمد ڈار ولد نذیر احمد ڈار ساکن ویگر خانصاحب کے طور پر ہوئی ہے، جبکہ زخمی کی شناخت محمد اقبال بٹ ولد غلام نبی بٹ ساکن ویگر کے طور پر ہوئی ہے، جو ضلع اسپتال بڈگام میں زیر علاج ہے۔
پولیس اور متعلقہ حکام واقعے کی وجوہات اور حالات کی تحقیقات کر رہے ہیں۔ ابتدائی طور پر کرنٹ لگنے کی اصل وجہ معلوم نہیں ہوسکی ہے۔
