امت نیوز ڈیسک //
جمعرات کو راجوری شہر کے وسط میں دونوں برادریوں کے لوگوں نے زمین کے ایک حصے پر اپنا دعویٰ پیش کیا تھا، جس کے بعد ہندو برادری کے لوگ اس جگہ کو مندر جبکہ مقامی مسلمان مسجد کی جگہ بتارہے تھے، جس کی وجہ سے علاقے میں کشیدگی کا ماحول پیدا ہوگیا،انتظامیہ کی جانب سے امن و امان کی برقراری کے لئے پابندیا نافذ کی گئی ہیں۔
مرکز کے زیر انتظام خطہ جمو ں و کشمیر کے راجوری میں دو برادریوں کے درمیان کشیدگی کے پیش نظر انتظامیہ کی جانب سے دفعہ 144نافذ کیا گیا ہے، دکانیں کھولنے اور گھروں سے باہر نکلنے پر مکمل پابندی عائد کر دی گئی ہے۔ کسی بھی شخص کو گھر سے باہر نکلنے کی اجازت نہیں ہے۔ جس قسم کی پابندی نافذ کی گئی ہے وہ صرف کرفیو کے دوران لاگو ہوتی ہے۔
جمعرات کو راجوری شہر کے وسط میں دونوں برادریوں کے لوگوں نے زمین کے ایک حصے پر اپنا دعویٰ پیش کیا تھا، جس کے بعد ہندو برادری کے لوگ اس جگہ کو مندر جبکہ مقامی مسلمان مسجد کی جگہ بتارہے تھے، جس کی وجہ سے علاقے میں کشیدگی کا ماحول پیدا ہوگیا،انتظامیہ کی جانب سے امن و امان کی برقراری کے لئے پابندیا نافذ کی گئی ہیں ۔
اس خدشے کے پیش نظر صبح 5 انتظامیہ نے پورے شہر میں دفعہ 144 نافذ کرتے ہوئے سخت پابندیاں عائد کر دیں۔ نہ کوئی شخص گھر سے باہر نکل سکتا ہے اور نہ ہی کوئی گاڑی سڑکوں پر چل سکتی ہے۔ شہر کی طرف جانے والی تمام سڑکوں کو سیل کر دیا گیا ہے۔ پولیس اور نیم فوجی دستے مسلسل گشت کر رہے ہیں اور سڑکوں پر نکلنے والوں کو ان کے گھروں کو واپس بھیج دیا جا رہا ہے۔
