امت نیوز ڈیسک //
جموں کے کٹھوعہ ضلع میں ایک دلدوز حادثے میں جموں پٹھانکوٹ شاہراہ پر ایک ٹرک میں آگ لگنے سے ایک شخص جھلس کر ہلاک ہوگیا۔
پولیس کے مطابق مہلوک شہری کی فوری طور پر شناخت نہیں ہو سکی ہے ۔ انہوں نے بتایا کہ جموں کی جانب جا رہی ٹرک میں اتوار کی رات دیر گئے اچانک آگ نمودار ہوئی جس کے نتیجے میں گاڑی میں سوار ٹرک کنڈکٹر جھلس کر لقمہ اجل بن گیا۔
انہوں نے بتایا کہ ڈرائیور نے جلتے ہوئے ٹرک سے چھلانگ لگا کر خود کو بچایا، لیکن اس کا کنڈکٹر گاڑی سے باہر آنے میں ناکام رہا۔
