امت نیوز ڈیسک //
کانپور: ریاست اترپردیش کے کانپور شہر کے گھاٹمپور میں سنیچر کو دیر رات اناؤ کے چندریکا دیوی مندر سے درشن کرکے واپس گھر لوٹ رہے 25 سے زیادہ عقیدت مندوں کی ٹریکٹر ٹرالی پلٹنے سے موت ہوگئی ہے۔ وہیں اس حادثے میں متعدد افراد زخمی ہوئے ہیں۔
ڈی ایم سمیت ضلع افسران اطلاع موصول ہوتے ہی موقع واردات پر پہنچ گئے ہیں۔ کئی ایمبولنس گاڑیاں بھی موقع پر پہنچ گئیں۔ زخمیوں کو علاج کے لیے قریبی کمیونیٹی ہیلتھ سینٹر میں بھیجا جارہا ہے۔
کانپور میں خوفناک سڑک حادثہمقامی لوگوں نے بتایا کہ جس ٹریکٹر ٹرالی سے یہ حادثہ پیش آیا ہے۔ اس میں ضرورت سے زیادہ مسافر سوار تھے۔ اگر اس میں ضرورت سے زیادہ لوگ نہ ہوتے تو یہ حادثہ پیش نہیں آتا۔ ہلاک ہونے والوں میں زیادہ تر افراد کا تعلق کورتھا گاؤں سے ہیں۔
وزیر اعظم نریندر مودی نے کانپور میں پیش آئے سڑک حادثے پر دکھ کا اظہار کیا ہے۔ وزیر اعظم نریندر مودی نے اس حادثے میں ہلاک ہوئے افراد کے اہلخانہ سے تعزیت کا اظہار کیا اور ہلاک شدگان کے اہلخانہ کو فی کس دو، دو لاکھ روپے معاوضے کا اعلان کیا ہے جب کہ زخمیوں 50، 50 ہزار دیئے جائیں گے۔
