شوپیان: جنوبی کشمیر کے کے کئی علاقوں میں ریاستی تحقیقاتی ایجنسی (ایس آئی اے) کی طرف سے چھاپے مارے گئے ہیں۔
اطلاعات کے مطابق شوپیان کی کئی مقامات پر جمعہ کی علی الصبح متعدد مقامات پر چھاپے مارے گئے۔ ذرائع کے مطابق ریاستی تحقیقاتی ایجنسی نے پولیس اور سی آر پی ایف اہلکاروں کے ہمراہ ضلع کے لڈی اور ملہورہ علاقوں میں چھاپے مارے۔
سرکاری ذرائع نے بتایا کہ ایس آئی اے نے پلوامہ، شوپیان اور کولگام کے مختلف مقامات پر متعدد مشتبہ افراد کے گھروں پر چھاپے مارے اور تلاشی لی۔انہوں نے مزید کہا کہ عسکریت پسندوں کی فنڈنگ کے لین دین اور دیگر متعلقہ معاملات کے پیش نظر چھاپے مارے جا رہے ہیں۔اس سلسلے میں ترال ٹاون کے مرتضی مجید ولد عبدل مجید چاڈرو کے گھر پر بھی چھاپہ ماری کی گئی اور پورے گھر کی تلاشی لی گئی تاہم ذرائع کے مطابق وہاں سے کوئی قابل اعتراض مواد برآمد نہیں کیا جا سکا ہے۔
