امت نیوز ڈیسک //
کل جماعتی حریت کانفرنس کے سینئررہنماء اور اور اتحاد المسلمین کے چیئرمین اور بانی مولانا محمد عباس انصاری طویل علالت کے بعد آج سرینگر میں اپنی رہائش گاہ پر وفات پا گئے ہیں ۔
مولانا عباس انصاری کافی عرصے سے علیل تھے اور گزشتہ دو دنوں سے ان کی طبیعت بگڑ گئی تھی۔ مولانا عباس انصاری کے اہل خانہ کے مطابق وہ آج صبح سرینگر کے علاقے نواکدل میں واقع اپنی رہائش گاہ پروفات پا گئے ۔ان کی نماز جنازہ آج نماز ظہر کے بعد ادا کی جائے گی اور انہیں سرینگر کے علاقے زیڈی بل میں ان کے آبائی قبرستان میں سپرد خاک کیا جائے گا۔
مولانا عباس انصاری کل جماعتی حریت کانفرنس کے سابق چیئرمین بھی تھے۔
