امت نیوز ڈیسک //
سرینگر:جموں و کشمیر کے ڈائریکٹر جنرل آف پولیس دلباغ سنگھ نے پیر کے روز دعویٰ کیا کہ سرحد پار سے دراندازی پاکستان کی ایجنسیوں کی ملی بھگت کے ساتھ ہو رہی ہے۔ سرینگر کے زون علاقے میں پولیس کی جانب سے منعقد کی گئی ایک تقریب کے دوران صحافیوں سے بات کرتے ہوئے دلباغ سنگھ نے کہا کہ ‘پاکستان کے ارادے اور حرکتیں کسی سے چھپے ہوئی نہیں ہیں۔ گزشتہ کئی برسوں سے ڈرون کے ذریعے یہاں ہتھیار، اسلحہ اور منشیات بھیجے جارہے ہیں اور یہ کھیل پاکستان کا ہے۔ انہوں نے کہا سکیورٹی فروسز مستعدی ان کارروائیوں کو بار بار ناکامیاب بنا رہے ہیں، تاہم اس کے باوجود بھی دراندازی ہو رہی ہے۔
پاکستان دراندازوں کی پشت پنائی کر رہا ہے، دلباغ سنگھدلباغ سنگھ نے مزید کہا کہ ‘لشکر (طیبہ) ان سب کی اسمگلنگ کر رہا ہے اور پاکستانی ایجنسیوں کی پوری ملی بھگت کے ساتھ یہ کام انجام دیا جارہا ہے۔ انہوں نے کہا کہ ایل او سی کے جس علاقہ سے ڈرون اڑائے جاتے ہیں وہاں پاکستان فوج اور رینجرز کی تعیناتی ہے۔ اگر وہ ان سب کی حمایت نہیں کرتے ہوں گے تو یہ سب ممکن نہیں ہوتا۔ پولیس سربراہ نے مزید کہا کہ ان حرکتوں کو ناکامیاب بنانے کے لیے سکیورٹی فورسز پوری طرح سے تیار ہے اور ان کارروائیوں میں ملوث افراد کو گرفتار کیا گیا ہے۔ انہوں نے کہا کہ گزشتہ روز والے معاملے کی باریک بینی سے چھان بین جاری ہے۔
بتادیں کہ گزشتہ روز سکیورٹی فورسز نے جموں کے آر ایس پورہ میں ڈرون سے گرائے گئے ہتھیار ضبط کیے ہیں۔ پولیس نے اس معاملے میں دو افراد کو گرفتار کیا ہے۔ واضح رہے کہ آج سرحدی علاقہ کپواڑہ کے ایل او سی کے قریب سکیورٹی فروسز نے ایک دراندازی کی کوشش کو ناکام بناتے ہوئے ایک درانداز کو ہلاک کرنے کا دعوی کیا ہے۔
