امت نیوز ڈیسک //
ایک بیان میں ہوٹل نے کہا کہ ہم مہمان (کوہلی) سے معذرت خواہ ہیں اور اس بات کو یقینی بنانے کے لئے ضروری اقدامات کریں گے کہ اس طرح کے واقعات دوبارہ نہ ہوں۔
کراؤن نے اس مسئلے کو ٹھیک کرنے کے لئے فوری اقدامات کئے ہیں۔
پرتھ: آئی سی سی ٹی 20 ورلڈ کپ میں ہندوستانی ٹیم کی میزبانی کرنے والے ہوٹل کراؤن پرتھ نے پیر کو وراٹ کوہلی کے کمرے میں گھسنے کے واقعہ کے لئے کنگ کوہلی سے معافی مانگی اور کہا کہ اس حرکت میں ملوث افراد کو ملازمت سے برطرف کردیا گیا ہے.
ایک بیان میں ہوٹل نے کہا کہ ہم مہمان (کوہلی) سے معذرت خواہ ہیں اور اس بات کو یقینی بنانے کے لئے ضروری اقدامات کریں گے کہ اس طرح کے واقعات دوبارہ نہ ہوں۔
بیان میں یہ بھی کہا گیا ہے یہ رویہ قطعی طور پر قابل برداشت نہیں ہے اور یہ ہماری ٹیم کے ارکان اور کنٹراکٹرس کے لئے مقرر کردہ معیارات پر کھرا نہیں اترتا۔ کراؤن نے اس مسئلے کو ٹھیک کرنے کے لئے فوری اقدامات کئے ہیں۔ ملوث افراد کو کراؤن سے ہٹا دیا گیا ہے۔ کراؤن تھرڈ پارٹی کنٹریکٹر کے ساتھ تحقیقات کر رہا ہے اور اس بات کو یقینی بنانے کے لئے ضروری اقدامات کرے گا کہ اس قسم کا واقعہ دوبارہ نہ ہو۔
کوہلی اس وقت ہندوستانی ٹیم کے ساتھ ایڈیلیڈ پہنچ چکے ہیں جہاں ہندوستان کا چہارشنبہ کو بنگلہ دیش سے مقابلہ ہوگا۔ اپنے کمرے میں مبینہ گھسنے کی ویڈیو شیئر کرتے ہوئے کوہلی نے کہا کہ یہ بہت خوفناک ہے۔
انسٹاگرام پر ویڈیو شیئر کرتے ہوئے کوہلی نے کہا کہ میں سمجھتا ہوں کہ مداح اپنے پسندیدہ کھلاڑیوں کو دیکھ کر بہت خوش اور پرجوش ہوتے ہیں۔ میں نے ہمیشہ اس کی تعریف کی ہے، لیکن یہ ویڈیو بہت خوفناک ہے اور اس نے مجھے خوفزدہ کردیا۔
ہندوستانی ٹیم جنوبی افریقہ کے خلاف سوپر 12 میچ کے لئے یہاں کراؤن پرتھ ہوٹل میں ٹھہری ہوئی تھی۔ انسٹاگرام پر ویڈیو پوسٹ ہونے پر ٹیم ایڈیلیڈ کے لئے روانہ ہو چکی تھی۔ ویڈیو میں ایک شخص کوہلی کے کمرے میں گھوم گھوم کر ان کا سامان دکھا رہا ہے اور ویڈیو میں لکھا ہے ‘ہوٹل میں کنگ کوہلی کا کمرہ’۔
کوہلی کی اہلیہ انوشکا نے کہا کہ کچھ واقعات کا تجربہ کیا ہے جہاں کچھ مداحوں نے ماضی میں بھی اس طرح کی حرکت کی ہے، لیکن یہ واقعی ایک غیر مہذب واقعہ ہے۔ یہ انسان کی پرائیویسی کی خلاف ورزی ہے۔
