امت نیوز ڈیسک //
سرینگر : انفورسمنٹ ڈائریکٹوریٹ (ای ڈی) نے جمعہ کو کشمیر کے سینئر علیٰحدگی پسند رہنما شبیر احمد شاہ، جو اس وقت تہاڑ جیل میں قید ہیں، کی رہائش گاہ کو اٹیچ کر دیا ہے۔ ای ڈی کا کہنا ہے کہ ’’یونین ٹیریٹری میں عسکری سرگرمیوں کو فروغ دینے کے معاملے سے منسلک منی لانڈرنگ کیس کے سلسلہ میں شبیر شاہ کے مکان کو منسلک کر دیا گیا ہے۔‘‘ افسران کا کہنا ہے کہ شبیر شاہ کا 21.80 کروڑ روپے مالیت کا مکان سرینگر کے بڈشاہ کالونی، صنعت نگر میں واقع ہے۔
شبیر شاہ کے خلاف منی لانڈرنگ کا مقدمہ قومی تحقیقاتی ایجنسی (این آئی اے) کی جانب سے مئی 2017 میں لشکر طیبہ کے سربراہ حافظ سعید سمیت دیگر افراد کے خلاف غیر قانونی سرگرمیوں کی روک تھام کے قانون (یو اے پی اے) کی مختلف دفعات کے تحت درج کیے گئے ایف آئی آر سے کے پیش نظر ہوا۔
ایجنسی نے اپنے بیان میں کہا کہ ’’شبیر احمد شاہ پتھراؤ، جلوس، احتجاج، بند، ہرتال اور دیگر تخریبی سرگرمیوں کے ذریعے وادی کشمیر میں بدامنی کو ہوا دینے کی سرگرمیوں میں ملوث تھے۔
