امت نیوز ڈیسک //
بانڈی پورہ:- پیپلز ڈیموکریٹک پارٹی سوناواری نے جمعہ کی سہ پہر ضلع بانڈی پورہ کے تریگم شادی پورہ علاقے میں یوتھ بیئررس میٹنگ کا اہتمام کیا، اس میٹنگ میں سوناواری کے نوجوان اور سینئر کارکنان موجود تھے۔
میٹنگ کی صدارت انچارج پی ڈی پی سونواری محمد طاہر قادری نے کی، ان کے ساتھ سنبل، حاجن، گنستان اور نوگام کے بلاک صدور بھی موجود تھے۔
پارٹی صدر محبوبہ مفتی کی قیادت میں 27 نومبر کو سری نگر میں منعقد ہونے والے یوتھ کنونشن سے قبل لیڈروں نے سونواری کے نوجوانوں سے ملاقاتیں کیں اور ان سے بات چیت کی۔
حاجن اے میں دوبارہ پولنگ سے متعلق سوال کا جواب دیتے ہوئے محمد طاہر قادری نے کہا کہ پیپلز ڈیموکریٹک پارٹی جس امیدوار کو سپورٹ کرے گی وہ حاجن اے ڈی ڈی سی سیٹ جیت جائے گا۔
قائدین نے حاجن اے ڈی ڈی سی سیٹ پر دوبارہ پولنگ اور سوناواری میں سیاسی منظر نامے کے حوالے سے مختلف امور پر بھی تبادلہ خیال کیا۔
