امت نیوز ڈیسک //
جموں:جموں صوبے میں ڈینگی متاثرین میں ایک مرتبہ پھر اضافہ ہوا ہے۔ گذشتہ 24 گھنٹوں کے دوران ڈینگی سے مزید 42 افراد متاثر ہوئے ہیں جن میں 5 بچے بھی شامل ہیں۔ صوبہ میں اب تک ڈینگی متاثرین کی مجموعی تعداد 8 ہزار جا پہنچی ہے جب کہ مرنے والوں کی تعداد 18 پہنچ گئی ہے۔
صوبے کے نوڈل افسر کے مطابق گذشتہ 24 گھنٹوں کے دوران 268 ٹیسٹ کیے گئے جن میں 5 کمسن بچوں سمیت 42 نمونوں میں ڈینگی کی تصدیق ہوئی ہے ۔ 42 متاثرین میں 25 مرد اور17 خواتین شامل ہیں۔ اعداد و شمار کے مطابق 42 متاثرین میں سب سے زیادہ 23 کا تعلق جموں ضلع سے ہے، 9 ادھمپور، سانبہ ضلع کے 4، کٹھوعہ کے 2 جب کہ ڈوڈہ کے 2، پونچھ ایک اور ضلع رام بن کا ایک متاثر شامل ہے۔
