امت نیوز ڈیسک //
جموں کشمیر میں مئی 2023 میں اسمبلی انتخابات ہونے کااعلان کرتے ہوئے بی جے پی کے نیشنل جنرل سیکر ٹری ترون چگے نے پارٹی لیڈران سے کہا کہ وہ اسمبلی انتخابات کیلئے تیار رہیں۔ اسی دوران انہوں نے کہا کہ آنے والے اسمبلی انتخابات میں بی جے پی بھاری اکثریت سے جیت درج کریں گی۔ تفصیلات کے مطابق جموں میں پارٹی ہیڈ کواٹر پر لیڈران کی ایک میٹنگ کی صدارت کرتے ہوئے بی جے پی کے نیشنل جنرل سیکر ٹری ترون چھنگ نے موجودہ صور تحال کا جائزہ لیا۔ انہوں نے جموں کشمیر میں اسمبلی انتخابات کے حوالہ سے بھی جانکاری حاصل کر لی اور کہا کہ پارٹی کا انتخابات میں انتہائی کلیدی رول ہو گا۔ اس موقعہ پر انہوں نے اعلان کیا کہ جموں کشمیر میں اسمبلی انتخابات اگلے سال مئی کے مہینے میں منعقد ہونگے اور کہا کہ جموں کشمیر میں اسمبلی انتخابات میں بی جے پی کی شاندار جیت ہو گی۔ انہوں نے کہا کہ لوگوں نے مقامی سیاسی پارٹیوں کا آج تک بہت دیکھا ہے اور وہ بدلا و چاہتے ہیں لہذا پارٹی کے لیڈر ان پر زور دیا کہ وہ اسمبلی انتخابات میں جیت کو یقینی بنانے کیلئے کمر بستہ ہو جائیں۔ انہوں نے مزید کہا کہ نیشنل کانفرنس، پی ڈی پی اور کانگریس نے لوگوں کو بے وقف بنانے کے علاوہ کوئی کام نہیں کیا ہے لہذا اب وہ وقت گیا ہے اور لوگوں کو بھی سب سمجھ آچکا ہے۔ چگھ نے مزید کہا کہ جموں کشمیر کے عوام تعمیر و ترقی چاہتے ہیں اور یہ سب بی جے پی ہی ممکن کر اسکتی ہے۔ ترون چھنگ نے کہا کہ وزیر اعظم نریندر مودی کی قیادت میں سرکار نے آج تک لوگوں کے ساتھ جو وعدے کئے ان کو عملی جامعہ پہنایا گیا اور جموں کشمیر میں ترقی کو یقینی بنا یا امد آئندہ بھی ایسا ہی ہو گا اور لوگ کے توقعات پر کھرا
اترا جائے گا۔
