امت نیوز ڈیسک //
شمالی کشمیر کے بارہمولہ ضلع کے اوڑی اور بونیار علاقوں میں انتظامیہ نے تجاوزات کرنے والوں سے کہا ہے کہ وہ تین دن کے اندر سٹیٹ لینڈ پر سے تجاوزات کو ہٹا دیں، ایسا نہ کرنے پر سخت کارروائی کی جائے گی۔
آج جاری ایک نوٹس میں حکام نے ان لوگوں کو خبر دار کیا ہے کہ وہ تین دن کے اندراندر خود سے تجاوزات ہٹا دیں۔ نوٹس کے مطابق اگر کوئی شخص تجاوزات کو بنانے میں ناکام ہوا تو متعلقہ محکمہ از خود سرکاری اراضی کو خالی کرنے کیلئے کاروائی کرے گا اور نقصان کاذمہ دار وہ خود ہو گا”۔
نوٹس میں یہ بھی کہا گیا ہے کہ جو لوگ اراضی پر تجاوزات کو ہٹانے میں ناکام رہے ان کے خلاف قانون کے تحت سخت کارروائی کی جائے گی۔
دریں اثناء اوڑی میں حکام کی طرف سے اسی قسم کا نوٹس جاری کیا گیا ہے۔قابل ذکر بات یہ ہے کہ حکومت نے تمام ڈپٹی کمشنر ز کو اس ماہ کے آخر تک
سرکاری اراضی سے تجاوزات کے سو فیصد خاتمے کو یقینی بنانے کی ہدایاتجاری کی ہیں۔جموں صوبہ کے پو نچھ اور راجوری اضلاع میں بھی اس قسم کے نوٹس جاری کئے جاچکے ہیں۔ سر حدی اضلاع میں لوگوں کا معاشی دار ومدار اسی اراضی پر ہونے کی وجہ سے لوگوں کی جانب سے حکومت کے اس اقدام کی مخالفت کی گئی ہے تاہم اب معاملہ سپریم کورٹ تک پہنچ چکا ہے ۔
