امت نیوز ڈیسک //
سری نگر / / پولیس نے شمالی کشمیر کے ضلع بارہمولہ میں چوری کے ایک کیس کو 72 گھنٹوں کے اندر حل کر کے چار افراد کو گر فتار کر کے مسروقہ مال کو برآمد کرنے کا دعوی کیا ہے۔ ایک پولیس ترجمان نے اپنے ایک بیان میں کہا کہ پولیس سٹیشن پٹن کو 5 فروری کو غلام حسن را تھر ساکن کی پورہ پٹن کی طرف سے ایک شکایت موصول ہوئی جس میں کہاگیا کہ یکم اور 2 فروری کی درمیانی شب نامعلوم چوروں نے اس کے دکان میں گھس کر سگریٹ چرائے۔ انہوں نے کہا کہ تحقیقات کے دوران تکنیکی و انسانی وسائل کی مدد سے چند مشکوک افراد کے نام سامنے آگئے جن میں سے آزاد مختار حجام ساکن سنگھ پورہ پیٹ کو پوچھ تاچھ کے لئے طلب کیا گیا۔ بیان میں کہا گیا کہ پوچھ تاچھ کے دوران مذکورہ شخص نے اپنے اور تین دیگر افراد کے اس چوری میں ملوث ہونے کا انکشاف کیا۔ دیگر تین افراد کی شناخت الطاف احمد ڈار ساکن ریشی پورہ ہانجی ویرہ، اعجاز احمد بٹ اور جمشید احمد واز و ساکنان سنگھ پورہ چٹن کے بطور ہوئی ہے۔ بیان کے مطابق چاروں ملزموں کو گر فتار کیا گیا۔
پولیس بیان میں کہا گیا کہ ان کے انکشاف پر چوری کے لئے استعمال کئےجانے والے سامان اور مسروقہ مال کو برآمد کیا گیا۔
