امت نیوز ڈیسک //
پولیس نے ضلع بڈگام میں پیر کے روز غیر قانونی طور پر مٹی کی کھدائی اور اس کی غیر قانونی طور خرید و فروخت کرنے کے الزام میں 7 افراد کی گرفتاری عمل میں لاکر 1 ٹریکٹر اور 6 گاڑیاں ضبط کئے ہیں۔
اس سلسلے میں پولیس بیانات کے مطابق پولیس نے چاڈورہ کے مگرے پورہ با پورہ علاقے میں غیر قانونی طور مٹی کی کھدائی اور اسے غیر قانونی طور خرید و فروخت کرنے کے الزام میں 6 افراد کی گرفتاری اور 6 گاڑیوں کو ضبط کیا ہے۔
اسی طرح پولیس نے خانصاحب علاقے میں ایک اور شخص کو ٹریکٹر میں غیر قانونی طور مٹی کی خرید و فروخت کرنے کے الزام میں ٹریکٹر کو ضبط اور ٹریکٹر ڈرائیور کی گرفتاری عمل میں لائی ہے۔
پولیس کا کہنا ہے کہ دونوں معاملات کی نسبت سے متعلقہ پولیس اسٹیشنوں میں کیس زیر نمبرات 34/2023 اور 13/2023 درج کرکے مزید تفتیش شروع کردی گئی ہے۔
